Prawf Iechyd cynaliadwyedd Mini SBBS

Mae'n ofynnol i ni o du'n cyllidwyr Ewropeaidd i ddangos fod pawb sy'n cydweithio â ni yn ymwybodol o'r 'themau sy'n gorgyffwrdd' sef rheoli'r amgylchedd, cydraddoldeb ac amrywiaeth, ac yng Nghymru, yr Iaith Gymraeg. Disgwylir hefyd ein bod yn gallu dangos fod ein partneriaid yn gweithio tuag at wella'u dealltwriaeth o'r materion hyn ac yn gwella sut y byddant yn ymdrin â nhw. Mae'r themau'n cyfranu tuag at gynaliadwyedd ac nid rhywbeth dewisol yw cwrdd â'r targed.

Er mwyn cyflawni hyn mor ddiffwdan â phosib i bawb mae nifer o brojectau Prifysgol Bangor wedi gwahodd Synnwyr Busnes Business Sense (SBBS), arbenigwyr ar gynaliadwyedd o Sefydliad Cymreig ar gyfer Adnoddau Naturiol, Prifysgol Bangor, i fod yn bartneriaid yn y fenter. Mae gan SBBS brofiad helaeth o weithio gyda busnesau a diwydiant i godi ymwybyddiaeth a dealltwriaeth o beth yw cynaliadwyedd mewn ffyrdd sy'n mynd ymhell tu hwnt i dicio bocsys.

Felly beth fydd y drefn?

Fe fyddwn yn anfon dolen i wefan SBBS at bob project, cwmni neu bartner sy'n cydweithio gyda ni yn gofyn iddynt lenwi holiadur byr. O fewn ychydig ddyddiau o gwblhau'r holiadur, os oes angen, fe fyddwn yn anfon tair dogfen bolisi syml atoch - polisi amgylcheddol, polisi cydraddoldeb ac amrywiaeth a pholisi iaith Gymraeg fel cam cyntaf. Cewch wahoddiad hefyd i ymuno â'n rhwydwaith er mwyn i chi dderbyn diweddariad ar faterion yn ymwneud â chynaliadwyedd o dro i dro.

Efallai y bydd hyn yn ddigon i chi yn y lle cyntaf. Foddbynnag, mae tîm SBBS yno i'ch helpu i wneud synnwyr busnes o gynaliadwyedd. Os oes angen help ychwanegol arnoch i ddatblygu System Reoli Amgylcheddol mwy soffistigedig, neu wybod mwy am sut i reoli gwastraff, adeiladu'n gynaliadwy neu hyd yn oed cyfrifo'ch allyriadau CO2 bydd modd i chi gael sylw personol gan aelod o dîm SBBS a fydd yn gallu'ch helpu'n uniongyrchol neu'ch cyfeirio at arbenigwyr eraill.

Edrychwn ymlaen yn fawr at gydweithio gyda chi tuag at ddyfodol cynaliadwy.

 

" Ers cymryd rhan yn SEACAMS, rydym wedi cymryd y Prawf Iechyd Cynaliadwyedd Busnes oddi wrth SBBS sydd wedi ein helpu ni i adnabod fel cwmni meysydd y gallem wella, yn benodol â gynaliadwyedd. Mae wedi bod yn sicr yn werth chweil ac o fudd i'n busnes ni. Mae Swansea Watersports yn gyflwyno rhai ceisiadau grantiau ar hyn o bryd, a cymryd rhan yn y Prawf Iechyd yn debygol o gyfrannu tuag at eu dyfarniad llwyddiannus."

Claire, Swansea Watersports